Англиянинг «Манчестер Юнайтед» клуби ҳужумчиси Криштиану Роналду Дубайдаги Бутунжаҳон кўргазмасида чиқиш қилар экан, омма олдида бир қанча маслаҳатлар берди.

– Одамларга қандай маслаҳатлар берасиз?

– Ўзингизга маълум, менинг тўрт нафар фарзандим бор ва яна иккита фарзанд кутяпмиз.

– Табриклайман!

– Раҳмат!

Саломатлик – энг муҳим нарса. Сиз танангизга ва онгингизга ғамхўрлик қилишингиз керак. Гап маданиятлар ёки дин ҳақида кетмаяпти, биз - ҳаммамиз бир хилмиз. Болаларни ўз танасига эътибор беришга, кўпроқ сув ичишга, яхши ухлашга, вақтида машғулотларни ўташга, отасининг гапларига қулоқ тутишга ўргатиш керак. Оталар доим яхши маслаҳатлар беради.

Ўйлайманки, яхши нарсаларга амал қилиш керак. Барчага маълум, яқинда 37 ёшга тўламан, лекин мен ҳалигача ўйнаяпман. Чунки, мен ўз танамга жуда яхши эътибор бераман, уни эҳтиёт қиламан. Гап ёшда эмас, онгингизга ва танангизни нима белгилаганингизда.

Ёшларга айтадиган гапим: ўзингизга ишонинг, отангизни маслаҳатларига қулоқ тутинг, ўқинг, иложи борича кўпроқ ўрганишга ҳаракат қилинг. Биз ҳаммамиз инсонмиз ва биз ўз авлодимиз ва бошқа авлодларга ўрнак бўлишимиз керак, – деди Роналду.