Londonning «Chelsi» klubi himoyachisi Sesar Aspilikuetaning shartnomasi mavsum oxirida o‘z yakuniga yetadi. Hozircha tomonlar yangi shartnoma borasida kelishuvga erishmadi.

Goal portalining tarqatgan ma’lumotiga qaraganda, 32 yoshli himoyachi Madridning «Real» klubi short-listidan joy olgan. «Qirollik klubi» «Barselona» bilan ispaniyalik himoyachini qo‘lga kiritish uchun kurash olib borishga tayyor. Har ikki klub ham Aspilikuetani mavsum yakunida erkin agent sifatida o‘z tarkibiga qo‘shib olmoqchi.

Sesar «ko‘klar» tarkibida 2012 yildan beri o‘ynab kelmoqda. Joriy mavsum u "Chelsi" tarkibida 17 ta uchrashuvda maydonga tushdi.