"Tottenxem" vingeri Brayan Xil Ispaniyaga qaytishga yaqin turibdi, u avvalroq "Sevilya", "Eybar" va "Leganes"da to‘p surgan.

Jurnalist Fabrisio Romanoning xabar berishicha, 20 yoshli futbolchi ijara asosida "Valensiya"ga o‘tishi mumkin.

Insayderning so‘zlariga ko‘ra, “ko‘rshapalaklar” qanot hujumchisini ko‘chirish bo‘yicha iltimos bilan chiqishgan va “shporlar”dan javob kutishmoqda.

“Tottenxem” Xilni o‘tgan yozda “Sevilya”dan 25 million yevroga sotib olgandi. U joriy mavsum 20 ta o‘yinda 1 ta golli uzatmani amalga oshirdi.