Londonning “Tottenxem” klubi shvesiyalik “Yuventus” yarim himoyachisi Deyan Kulusevski transferi amalga oshmasligi mumkin.

Fabrisio Romanoning so‘zlariga ko‘ra, ayni damda klublar to‘lov miqdori bo‘yicha kelisha olmayapti. Qayd etilishicha, “Tottenxem” 30 million yevroga sotib olish variantini kiritishga tayyor, “Yuventus” esa 40 millionga majburiy sotib olishni talab qilmoqda.

Qayd etilishicha, Kulusevski uchun kurashga Londonning “Arsenal” klubi ham qo‘shilishi mumkin. Avvalroq “Tottenxem” Adama Traore va Luis Diazning transferlarini o‘tkazib yuborgandi.

Kulusevski joriy mavsumda “keksa sinyora” safida 20 ta o‘yin o‘tkazib, 1 ta gol va 4 ta golli uzatmaga mualliflik qilgan.