Hujumchi Messias Junior «Milan» safida ijarada o‘ynamoqda, aslida esa futbolchining huquqlari «Krotone»ga tegishli, ammo ijara shartnomasida 30 yoshli futbolchini sotib olish opsiyasi ham mavjud. Uning ijarasi «Milan»ga 2,6 million yevroga tushdi, agar futbolchi sotib olinsa, «Milan» yana 5,4 million to‘lashi kerak, ammo «Milan» hali bu borada bir qarorga kelgani yo‘q, deb xabar beradi calciomercato nashri.
Hozirgacha Messias klub safidagi 15 o‘yinda to‘rtta gol urdi. Futbolchida rahbariyatni ishontirish uchun yana besh oy vaqt bor.
