Turinning «Yuventus» jamoasining yangi futbolchisi Dushan Vlahovich Turin klubidagi o‘yin raqami bilan bog‘liq savolga javob berdi. Eslatib o‘tamiz, Vlahovich 7 raqamini oldi. Ilgari Krishtianu Ronaldu bu raqamda o‘ynagan.
«Rostini aytsam, 7 raqami men uchun hech narsani anglatmaydi. Har bir raqamning og‘irligi bor, ayniqsa «Yuventus»da. Men jamoadoshlarimga yordam berish va eng ulug‘vor maqsadlarga erishish uchun shu yerdaman.
Futbolka raqami asosiy emas. Bizning futbol maydonidagi qat’iyatimiz muhim. Biz g‘alabalar qo‘lga kiritib, yaxshilanishimiz kerak», - dedi serb maxsus matbuot anjumanida.
