Туриннинг «Ювентус» жамоасининг янги футболчиси Душан Влаҳович Турин клубидаги ўйин рақами билан боғлиқ саволга жавоб берди. Эслатиб ўтамиз, Влаҳович 7 рақамини олди. Илгари Криштиану Роналду бу рақамда ўйнаган.
«Ростини айтсам, 7 рақами мен учун ҳеч нарсани англатмайди. Ҳар бир рақамнинг оғирлиги бор, айниқса «Ювентус»да. Мен жамоадошларимга ёрдам бериш ва энг улуғвор мақсадларга эришиш учун шу ердаман.
Футболка рақами асосий эмас. Бизнинг футбол майдонидаги қатъиятимиз муҳим. Биз ғалабалар қўлга киритиб, яхшиланишимиз керак», - деди серб махсус матбуот анжуманида.
