“Lion” prezidenti Jan-Mishel Olas klub shu yozda “Arsenal” hujumchisi Aleksandr Lyakazettni sotib olish niyatida ekanligini tasdiqladi.
“Biz iyun oyida Lyakazettni ortga qaytarish uchun qo‘limizdan kelganini qilishga harakat qilamiz. Biz u bilan doimo aloqada bo‘lib turamiz”, - deya Olas “L'Equipe” so‘zlarini keltiradi.
Lyakazett 2017 yilning yozida 53 million yevro evaziga “Lion”dan “Arsenal”ga o‘tgan edi. Futbolchi joriy mavsum “kanonirlar” safida 22 ta o‘yinda maydonga tushib, 5 ta gol va 4 ta golli uzatmaga mualliflik qilgan. 30 yoshli fransiyalik futbolchining London klubi bilan shartnomasi joriy mavsum oxirida yakuniga yetadi.
