“Лион” президенти Жан-Мишель Олас клуб шу ёзда “Арсенал” ҳужумчиси Александр Ляказеттни сотиб олиш ниятида эканлигини тасдиқлади.

“Биз июнь ойида Ляказеттни ортга қайтариш учун қўлимиздан келганини қилишга ҳаракат қиламиз. Биз у билан доимо алоқада бўлиб турамиз”, - дея Олас “L'Equipe” сўзларини келтиради.

Ляказетт 2017 йилнинг ёзида 53 миллион евро эвазига “Лион”дан “Арсенал”га ўтган эди. Футболчи жорий мавсум “канонирлар” сафида 22 та ўйинда майдонга тушиб, 5 та гол ва 4 та голли узатмага муаллифлик қилган. 30 ёшли франциялик футболчининг Лондон клуби билан шартномаси жорий мавсум охирида якунига етади.