Fransiyaning «Marsel» klubi yarim himoyachisi Bubakar Kamara yanvar oyida «Manchester Yunayted»ga o‘tishi mumkin edi.
Italiyalik jurnalist Fabrisio Romanoning tarqatgan ma’lumotiga qaraganda, yarim himoyachi «MYU»ga tavsiya qilingan, ammo, "mankunianliklar" uni sotib olishdan bosh tortdi. Chunki, mavsum oxirida tayinlanishi kutilayotgan jamoa bosh murabbiyining rejalari qandayligini bilmaydi.
Shu sababli, Donni van de Bek («Everton») va Antoni Marsyal («Sevilya»)larning ijara shartnomasida futbolchilarni keyinchalik sotib yuborish ko‘zda tutilmagan.
Kamara joriy mavsum Fransiya chempionatida 19 ta uchrashuv o‘tkazib, 1 ta gol kiritdi.