Франциянинг «Марсель» клуби ярим ҳимоячиси Бубакар Камара январь ойида «Манчестер Юнайтед»га ўтиши мумкин эди.
Италиялик журналист Фабрицио Романонинг тарқатган маълумотига қараганда, ярим ҳимоячи «МЮ»га тавсия қилинган, аммо, "манкунианликлар" уни сотиб олишдан бош тортди. Чунки, мавсум охирида тайинланиши кутилаётган жамоа бош мураббийининг режалари қандайлигини билмайди.
Шу сабабли, Донни ван де Бек («Эвертон») ва Антони Марсьял («Севилья»)ларнинг ижара шартномасида футболчиларни кейинчалик сотиб юбориш кўзда тутилмаган.
Камара жорий мавсум Франция чемпионатида 19 та учрашув ўтказиб, 1 та гол киритди.