Madridning “Real” klubi yozgi transfer oynasida yangi chap qanot himoyachisini sotib olishni rejalashtirmoqda.

Madrid klubi uch nafar futbolchiga qiziqish bildirmoqda. Birinchisi – “Valensiya” sardori Xose Gayya. Uning transferini amalga oshirish qiyin bo‘ladi. Sababi, “Real Madrid” futbolchini 3 yil oldin ham qo‘lga kiritishga urinib ko‘rgan, ammo urinishlar o‘z samarasini bermagan. Chunki, futbolchi o‘zini faoliyatini “Valensiya”da tugatishni istaydi.  

Ikkinchi variant – “Leypsig” futbolchisi Anxelino. Uning transferi “Real”ga 30 million yevroga tushishi mumkin.

Klub qiziqish bildirayotgan yana bir futbolchi – “Tottenxem” a’zosi Serxio Regilon. Futbolchi 2020 yilda «Real»dan London klubiga o‘tgan va Madrid klubi futbolchini 40 million yevroga qaytarib sotib olish huquqiga ega. “Real Madrid” yozda bu imkoniyatdan foydalanmoqchi.