Мадриднинг “Реал” клуби ёзги трансфер ойнасида янги чап қанот ҳимоячисини сотиб олишни режалаштирмоқда.

Мадрид клуби уч нафар футболчига қизиқиш билдирмоқда. Биринчиси – “Валенсия” сардори Хосе Гайя. Унинг трансферини амалга ошириш қийин бўлади. Сабаби, “Реал Мадрид” футболчини 3 йил олдин ҳам қўлга киритишга уриниб кўрган, аммо уринишлар ўз самарасини бермаган. Чунки, футболчи ўзини фаолиятини “Валенсия”да тугатишни истайди.  

Иккинчи вариант – “Лейпциг” футболчиси Анхелино. Унинг трансфери “Реал”га 30 миллион еврога тушиши мумкин.

Клуб қизиқиш билдираётган яна бир футболчи – “Тоттенхэм” аъзоси Серхио Регилон. Футболчи 2020 йилда «Реал»дан Лондон клубига ўтган ва Мадрид клуби футболчини 40 миллион еврога қайтариб сотиб олиш ҳуқуқига эга. “Реал Мадрид” ёзда бу имкониятдан фойдаланмоқчи.