“Monako” navbatdagi o‘yinda rossiyalik yarim himoyachi Aleksandr Golovinga umid bog‘lay olmaydi. Bu haqda jamoa ustozi Filipp Klement aytib o‘tdi.

“Hozir Aleksandr betob. Uning tashxisi nima ekanligini hali bilmayman. Yaqin kunlarda u koronavirus infeksiyasi uchun testdan o‘tadi”, dedi murabbiy.

Eslatib o‘tamiz, monakoliklar navbatdagi o‘yinni 5 fevral, yakshanba kuni “Lion”ga qarshi o‘tkazadi.

Fransiya chempionatining joriy mavsumida Golovin 13 ta o‘yin o‘tkazib, ikkita gol va ikkita golli uzatmaga mualliflik qilgan.