“Монако” навбатдаги ўйинда россиялик ярим ҳимоячи Александр Головинга умид боғлай олмайди. Бу ҳақда жамоа устози Филипп Клемент айтиб ўтди.
“Ҳозир Александр бетоб. Унинг ташхиси нима эканлигини ҳали билмайман. Яқин кунларда у коронавирус инфекцияси учун тестдан ўтади”, деди мураббий.
Эслатиб ўтамиз, монаколиклар навбатдаги ўйинни 5 февраль, якшанба куни “Лион”га қарши ўтказади.
Франция чемпионатининг жорий мавсумида Головин 13 та ўйин ўтказиб, иккита гол ва иккита голли узатмага муаллифлик қилган.
