Farg‘ona shahrida davom etayotgan “Hokim kubogi-2022” musobaqasi o‘z yakuniga yaqinlashmoqda. Ertaga musobaqaning final o‘yini bo‘lib o‘tadi.
Finalda “Qo‘qon-1912” jamoasi “Andijon-1” jamoasiga qarshi maydonga chiqadi. Kecha musobaqaning yarim final o‘yinlari bo‘lib o‘tdi. Unda “Qo‘qon-1912” – “Denov” hamda “Andijon-1” – “Do‘stlik” jamoalari uchrashdilar.
FarDU stadionida bo‘lib o‘tgan “Andijon-1” – “Do‘stlik” jamoalari o‘rtasidagi bahs 5:1 hisobidagi Andijonlik futbolchilarning g‘alabasi bilan yakunlandi.
Qirgulidagi “Neftchi SK” stadionida bo‘lib o‘tgan “Qo‘qon-1912” – “Denov” uchrashuvida esa “Xokim kubogi-2022” musobaqasidagi eng yirik hisob qayd etildi. Tajriba bobida ancha ustunlikka ega bo‘lgan qo‘qonliklar Surxondaryolik futbolchilar ustidan 8-0 hisobida g‘alaba qozonishdi. Uchrashuvni boshqarib borgan xakam Olim To‘ychiboyev shu kuni “Denov” jamoasi darvozasiga 4 marta penalti belgiladi. "Qo‘qon-1912" tarkibidan Shahzodbek Nurmatov, Bilolxon Toshmirzayev, Ayubxon Isaqov hamda darvozabonimiz Muzaffar Abdullayevlar belgilangan penaltilardan unumli foydalanishdi. Uchrashuvda shuningdek jamoa ko‘rigida bo‘lib turgan Diyorbek Jaloliddinov dubl qayd etgan bo‘lsa, Abdulloh Yunusov hamda Muhsin Normatovlar bir martadan raqib darvozasiga gol kiritishdi. Shuningdek Olim To‘ychiboyev o‘yin davomida ikki marta cho‘ntagidan qizil kartochkani olishiga ham to‘g‘ri keldi. “Denov” jamoasidan Jalil Kimsanov, “Qo‘qon-1912” jamoasidan esa bosh murabbiy Baxtiyor Ashurmatovlar hakam tomonidan qizil kartochka bilan jazolanishdi.
“Hokim kubogi-2022”
Yarim final
“Qo‘qon-1912” – “Denov” 8-0
Gollar: Abdulloh Yunusov (7), Shahzodbek Nurmatov(21pen), Bilolxon Toshmirzayev (31 pen), Diyorbek Jaloliddinov (52,58), Ayubxon Isaqov (60pen), Muxsin Normatov (66), Muzaffar Abdullayev (86pen)
Qo‘qon-1912″ tarkibi:
Muzaffar Abdullayev, Aleksandr Merzlyakov,Ivan Yosovich, Murod Xolmuxammedov, Avazxon Mamatxo‘jayev, Abdulloh Yunusov, Quvondiq Ro‘ziyev, Bilolxon Toshmirzayev, Sardor Azimov, Shaxzodbek Nurmatov, Anvar Xojimirzayev
Zaxirada: Islom Abdullayev, Mirjalol Abdumutalov, Doston Oripov, Sardor Yetovkuziyev, Ayubxon Isaqov, Diyorbek Jaloliddinov, Muhsin Normatov
“Denov” tarkibi:
Davron Merganov, Shahzod Soibnazarov, Sanjar Ahmedov, Begzod Karimov, Jalil Kimsanov, Sunatillo G‘aybulloyev, Sarvar Xolmatov, Asad Xolmatov, Dilshod Baratov, Akmal Abdurahmonov, Diyor Rashidov
Zahirada: Begali Ko‘chkimov, Shohruh Haydarov
Ertaga “Hokim kubogi-2022” musobaqasining final o‘yini bo‘lib o‘tadi. “Qo‘qon-1912” hamda “Andijon-1” jamoalari o‘rtasidagi final uchrashuvi Qigulidagi “Neftchi SK” stadionida, soat 13:00da boshlanadi. O‘ziga xos “vodiy derbisi”ga bo‘lgan qiziqish muxlislar va mutaxassislar o‘rtasida katta qiziqishga sabab bo‘lmoqda. Ertaga Andijondan va Qo‘qondan muxlislarni Farg‘onaga olib borish uchun avtobuslar ajratilgan. Qishning sovuq kunlarida sizlarni Farg‘onada bo‘ladigan “qaynoq derbi”ga taklif qilamiz. Yangi futbol mavsumidagi ilk sovrinni qo‘lga kiritish qay bir jamoaga nasib qilishini ertaga Qirgulidagi stadionda bilib olasiz.
