"Qizil iblislar" himoyachi bilan yozda shartnoma imzolashga tayyor.

"Calciomercato" nashrining ta’kidlashicha, ingliz klubi turinliklar himoyachisi Matteys de Ligtni qo‘lga kiritish uchun kurashda "Barselona" va "Bavariya" bilan raqobatlashadi.

Manba bergan xabarga ko‘ra, mankunianliklar hozirda tarkibini kuchaytirish imkoniyatlarini ko‘rib chiqishmoqda. Avvalroq, ular "Barselona"ning urugvaylik himoyachisi Ronald Arauxonga qiziqish bildirayotgani haqida xabarlar tarqalgan edi.

Eslatib o‘tamiz, De Ligt 2019 yilning yozida “Ayaks”dan 85,5 million yevro evaziga “Yuventus”ga o‘tgan edi.

Joriy mavsumda niderlandiyalik himoyachi Italiya chempionatining 15 ta uchrashuvida 1 ta gol urdi. Matteysning “Yuventus” bilan shartnomasi 2024 yilda yakuniga yetadi.