"Қизил иблислар" ҳимоячи билан ёзда шартнома имзолашга тайёр.
"Calciomercato" нашрининг таъкидлашича, инглиз клуби туринликлар ҳимоячиси Маттейс де Лигтни қўлга киритиш учун курашда "Барселона" ва "Бавария" билан рақобатлашади.
Манба берган хабарга кўра, манкунианликлар ҳозирда таркибини кучайтириш имкониятларини кўриб чиқишмоқда. Аввалроқ, улар "Барселона"нинг уругвайлик ҳимоячиси Роналд Араухонга қизиқиш билдираётгани ҳақида хабарлар тарқалган эди.
Эслатиб ўтамиз, Де Лигт 2019 йилнинг ёзида “Аякс”дан 85,5 миллион евро эвазига “Ювентус”га ўтган эди.
Жорий мавсумда нидерландиялик ҳимоячи Италия чемпионатининг 15 та учрашувида 1 та гол урди. Маттейснинг “Ювентус” билан шартномаси 2024 йилда якунига етади.
