Luis Suares futbol olamidagi eng yaxshi hujumchilardan biri. «Liverpul»dan tortib «Barselona» va «Atletiko Madrid»ga qadar, shuningdek, Urugvay terma jamoasi safida ham Suaresning haqiqiy ahamiyatini unutish qiyin. U bu borada allaqachon ramzga aylanib ulgurgan. Uning o‘z oilasini topish yo‘li, milliy terma jamoadagi do‘sti Edinson Kavani bilan o‘n yillik munosabatlari va turli xil gollar rekordi barcha muxlislarning ongiga singib ketgan.
Suares futbolchi oilasidan yetishib chiqqan
«Atletiko Madrid» hujumchisi yetti aka-ukaning to‘rtinchisi bo‘lib, uning ko‘plab ukalari ham Urugvayda va Lotin Amerikasi bo‘ylab professional futbol o‘ynashgan: Paolo, Maksimiliano va Diyego. «El Pistolyero» - ingliz tilida «o‘q otuvchi» degan ma’noni anglatadi. Darhaqiqat, u bu borada eng muvaffaqiyatlilardan biri.
Sevgisi uchun oxirigacha kurashgan shaxs
Luis rafiqasi Sofiya bilan o‘smirlik chog‘laridan boshlab yaxshi munosabatda bo‘lgan. Uning oilasi qizi yosh paytda Urugvaydan Barselonaga jo‘nab ketishgan, biroq bu ikki yoshning avval boshlangan ishqiy munosabatlarini to‘xtatib qo‘ymaydi. Luis aql bilan qaror qildi va futbolni tanladi.
U o‘z faoliyati bo‘lajak turmush o‘rtog‘ining yo‘llari bilan kesishishiga ishongan, bir kun kelib «Barselona»da o‘ynashini his qilgan va bor e’tiborini karyerasiga qaratdi. Va keyinchalik shunday bo‘ldi ham. «Xotinimning oilasi yashaydigan Ispaniyada o‘ynash va u bilan birga bo‘lish bir umrlik orzuim edi va katta ambisiyamga aylandi. Men buni shunchaki tashlab keta olmas edim», - deydi Luis 2014 yil «ko‘k-anorranglilar» tarkibiga qo‘shilganidan keyin bergan intevyusida. Suares 2020 yilda Madridga ko‘chib o‘tdi, ammo «Barselona» u va oilasi uchun o‘ziga xos shahar bo‘lib qolmoqda.
Edinson Kavani bilan ko‘pyillik aloqalar
Luis va Edinson Kavani bir necha yil davomida Urugvay hujum chizig‘ida kuchli figura bo‘lib kelmoqda. Bu ikki futbolchining o‘zaro aloqalari o‘n yillardan beri davom etib keladi.
Ikkala hujumchi ham Salto shahridan, bu yerda taxminan 100 000 kishi istiqomat qiladi va ular 1987 yilda atigi 21 kun farq bilan tug‘ilishgan. Futbolchilar bir-biridan atigi oltita xonadonlik masofada o‘sgani e’tiborga molik.
Ikki karra «Oltin butsa» sovrindori
Hamma Luis Suaresni ajoyib to‘purar sifatida juda yaxshi biladi. U ikki marta Yevropaning eng yaxshi to‘purari sifatida «Oltin butsa»ni qo‘lga kiritgan. Avvaliga 2013/14 yilda «Liverpul»da, keyin esa 2015/16 yili «Barselona»da. U, shuningdek, Lionel Messi va Krishtianu Ronaldu gigamoniyasi payti, so‘nggi o‘n yil davomida La Liganing eng yaxshi to‘purari uchun beriladigan Pichichi mukofotini qo‘lga kiritgan yagona futbolchi ham hisoblanadi.
La Ligada qayd etilgan 10 ta xet-trik
Luis - La Ligada 10 ta xet-trikni amalga oshirgan 12 futbolchidan biri hisoblanadi. U «Barsa»ga yetti yil oldin kelgan. 2014/15 yilgi mavsumda «Kordoba»ga qarshi o‘yinda u o‘zining birinchi xet-trigini yo‘llashga muvaffaq bo‘lgan edi. So‘nggisi esa «el-klasiko»ga to‘g‘ri keladi. 2018 yil oktyabr oyida «Barselona»ning «Real» ustidan 5:1 hisobidagi g‘alabasida Suaresning o‘rni katta bo‘lgan.
