Bugun Turkiyaning Belek shahrida Bekobodning “Metallurg” jamoasi xorijdagi ilk nazorat uchrashuvini Ukrainaning “Metallist” (Xarkov) jamoasiga qarshi o‘tkazdi va g‘alaba qozondi. Uchrashuvdagi barcha gollar birinchi taymda kiritildi.
Dastavval Shohnazar Norbekov hisobni tenglashtirgan bo‘lsa, taym o‘rtalarida ukrainaliklar hisobni tenglashtirishdi. Birinchi bo‘lim yakunlanishi arafasida esa Farhod Bekmurodov jamoamizni yana hisobda oldinga olib chiqdi. Ushbu hisob o‘yin oxirigacha o‘zgarmay qoldi.
O‘z navbatida “Metallurg” posboni Aleksandr Lobanov birinchi taymda “Metallist” o‘yinchisining 11 metrlik belgidan jarima zarbasini qaytarganligini ham aytib o‘tish lozim.
“Metallurg” keyingi uchrashuvni 9 fevral sanasida “Zarya” (Lugansk) jamoasiga qarshi o‘tkazadi.
Nazorat uchrashuvi
5.02.2022 yil
“Metallist” (Ukraina) - “Metallurg” (O‘zbekiston) – 1:2
Gol: Shohnazar Norbekov (17), Aleksandr Svirenko (27), Farhod Bekmurodov (45)
Amalga oshirilmagan penalti: Artur Murza (21)
«Metallist»: Daniil Kanevsev, Kaydalov, Andrey Ralyuchenko, Aleks Chidomere, Vernattus, Vyacheslav Tankovskiy, Svirenko, Kasares, Ruslan Fomin, Artur Murza, Yegor Krasnikov.
Bosh murabbiy: Oleksandr Kucher.
“Metallurg”(1-taym): Aleksandr Lobanov, Ixtiyor Toshpo‘latov, Hakimxon Alamxonov, Farrux Ibrohimov, Ergash Ismoilov, Farxod Bekmurodov, Damir Temirov, Ibrohim Ibragimov, Salamat Quttiboyev, Shohnazar Norbekov, Zabixillo O‘rinboyev.
Bosh murabbiy: Luisma Ernandes.
“Metallurg”(2-taym): Akmal Ortiqov, Xudoyshukur Sattorov, Abbos Otaxonov, Odilbek Abdumajidov, Abrorbek Toshqo‘ziyev, Muhammad Isayev, Fozil Musayev, Shahzodbek G‘ofurbekov, Jasur Ashurov, Shahzodjon Ne’matjonov, Zohid Abdullayev.
