«Parma» darvozaboni Janluiji Buffon faoliyatini yakunlash niyati yo‘qligini aytdi. «Yuventus»ning sobiq darvozaboni 50 yoshgacha basketbol o‘ynagan Maykl Jordanning rekordini takrorlashni istayotganini aytib o‘tdi.
«Agar 48 yoshda ham ajoyib formada bo‘lsam hayron bo‘lmang. Maykl Jordanning 50 yoshgacha o‘ynashiga hech narsa xalaqit bermadi. Men «Parma» sharafini himoya qilish mas’uliyatini his qilaman, chunki bu odamlar menga o‘z mehrini berishgan», - deya fikr bildiradi 44 yoshli darvozabon.
Eslatib o‘tamiz, Buffon o‘tgan yozda Turinning «Yuventus» klubidan «Parma»ga qaytgan edi. Italiyalik darvozabon professional faoliyatini «Parma»da boshlagan.
