Turinning «Yuventus» klubi bosh murabbiyi Massimiliano Allegri jamoasiga yangi kelgan Dushan Vlaxovichning imkon qadar tezroq moslashishiga yordam berishga qaror qildi.

Klubning 22 yoshli hujumchidan umidlari katta va bunday omil futbolchining o‘yin sifatiga salbiy ta’sir ko‘rsatishi mumkin. Vlaxovichdagi bosimni yo‘qotish uchun Allegri mas’uliyatni har bir futbolchiga teng taqsimlashga qaror qildi.

«Dushan bizning jamoani tanlaganidan xursandmiz. Ammo bu endi barcha mas’uliyat uning zimmasida bo‘ladi degani emas. U endigina 22 yoshda, biroq u qanday gol urishni biladi. Hozircha Dushandan faqat jamoag tezda moslashish talab qilinmoqda», dedi mutaxassis klub matbuot xizmatiga bergan intervyusida.

Bugun, 6 fevral kuni «Yuventus» Italiya chempionatining navbatdagi turida «Verona» bilan uchrashadi. Katta ehtimol bilan Vlaxovich ushbu bahsda debyut qiladi.