Nufuzli manbaning tarqatgan ma’lumotiga qaraganda, "Manchester Yunayted" klubining ichki muhiti kundan kunga yomonlashib bormoqda. Jamoa sensasion tarzda Angliya Kubogini tark etganidan keyin futbolchilar Ralf Rangnikka ishonishmay qo‘ydi.

Qolaversa, germaniyalik mutaxassisning futbolchilar ustidan qilayotgan muntazam arzlari yetakchi o‘yinchilarga yoqmayapti. So‘nggi vaziyat Lingard bilan sodir bo‘ldi. Rangnik Lingard ruhiy muammolarga duch kelganini, o‘ynashga tayyor emasligini va ta’til so‘raganini ochiqchasiga aytgandi, biroq, oradan hech qancha vaqt o‘tmay, Jessi bu so‘zlarni inkor etdi. Shu tariqa, futbolchilar murabbiyga ishonmay qo‘yishdi.

Rangnik jamoaning shaxsiy ma’lumotlarini bir oy ichida uch marta OAVga chiqarib yubordi. Avvaliga u Antoni Marsyal jamoada o‘ynash niyatida emasligini aytgandi, keyin esa Sanchoning shaxsiy muammolari haqida OAVga e’lon qildi. Rangnik Jeydonni dafn marosimida ishtirok etish uchun ketgani haqida aytgandi. Bu esa Sanchoning agentlarini va qarindoshlarini g‘azabiga duchor bo‘ldi. Murabbiyning hatti-haraktalarini «Manchester Yunayted» rahbariyati tushunmay qolyapti. Klubning birinchi shaxslari bunday ma’lumotlarni odatda jurnalistlarga rasmiy tarzda yetib borishlariga o‘rganishmagan.

Rangnikning pozisiyasi butunlay boshqacha. Mutaxassis mavsumning hal qiluvchi o‘yinlari oldidan qanday muammolarga duch kelayotganini OAV orqali ko‘rsatib bermoqda.