Toshkentda start olgan 7-tur o‘yinlari Olmaliq shahrida nihoyasiga yetdi. Bugungi uchrashuvlarda ikkita o‘yin natijasi ko‘pchilikning e’tiborini tortdi. “Huaxin-Jizzax”ning amaldagi chempion “Paxtakor” ustidan g‘alaba qozonishiga uncha-bunchasi shubha bildirmagani rost, lekin hisobning bu qadar yiriklashib ketishini kim ham o‘ylabdi deysiz. Ikki kundirki o‘zidan yuqorida turgan “Metallurg” va “Maksam-CHirchiq”ni sezilarli hisoblarda yenga olgan “Nasaf”ning oxirgi kuni “Navbahor”dan mag‘lubiyatga uchrashini ham ko‘pchilik kutmagandi. AGMKning ham chirchiqliklar darvozasiga to‘qqizta gol urishini bashorat qilganlar kamchilik bo‘lsa kerak. Umuman, bu turda oltita jamoa yuz foizli natija ko‘rsatdi. Kuchli uchlikda borayotgan “Huaxin-Jizzax”, AGMK va “Lokomotiv” jamoalari uchtadan uchrashuvning barida g‘alaba qozona olgan bo‘lsa, “Stroitel-Zarafshon”, “Metallurg” va “Maksam-CHirchiq” barcha o‘yinlarni boy berib, yuz foizli antinatija qayd etdi. Jizzaxliklar 51 ochko bilan turnir jadvalini boshqarib turibdi. Olmaliqliklar hisobida 50, “temiryo‘lchilar”da esa 45 ochko bor. “Stroitel-Zarafshon” 7 ochko bilan turnir jadvalining quyidan birinchi pog‘onani egallagan. Undan bir pog‘ona yuqorida 14 ochko bilan “Dinamo” jamoasi bormoqda.
Futzal. Oliy liga. 7-tur.
Beshinchi kun. 7 fevral, dushanba
Olmaliq. OTMK sport majmuasi.
NASAF – NAVBAHOR – 3:5 (2:2). 38 tomoshabin.
Hakamlar: Shavkat Muhiddinov, Bekzod To‘lqinov, Ziyovuddin Erkinov
Nazoratchi: Sergey Petrov
Komissar: Jamshid Imamov
Gollar: Oybek Polvonov (11), Jasur Xalimov (17, 35) – G‘ulom Mamajonov (1), Hakimjon Abdurashidov (15, 35), Ilhom Yusupjonov (26-pen., 30)
Ogohlantirish: Jasur Rizbonov (30) – yo‘q.
HUAXIN-JIZZAX – PAXTAKOR – 8:2 (4:0). 72 tomoshabin.
Hakamlar: Sultonmurod Abdurahmonov, Husniddin Bahodirov, Bekzod To‘lqinov
Nazoratchi: Sergey Petrov
Komissar: Jamshid Imamov
Gollar: Ixtiyor Ropiyev (2), Husniddin Nishonov (2, 30), Anasxon Rahmatov (4), Abbos Elmurodov (8, 38), Davron Choriyev (22), Farhod Abdumavlonov (34) – Muhammad Zoirov (26, 36)
Ogohlantirishlar: Davron Choriyev (19) – Konstantin Sviridov (4), Sevastyan Mojayev (24).
LOKOMOTIV – METALLURG – 6:4 (3:1). 78 tomoshabin.
Hakamlar: Anatoliy Rubakov, Furqat Azizov, Aziz Karimov
Nazoratchi: Faxriddin Murodov
Komissar: Jamshid Imamov
Gollar: Jamoliddin Normirzayev (16, 25), Sarvar Shoahmedov (19), Mashrab Adilov (20, 36), Dilmurod Shavkatov (32) – Akmaljon Ma’rifaliyev (16), Farhod Qodirov (23, 40), Ulug‘bek Xudoyorov (34)
Ogohlantirish: Mashrab Adilov (38) – yo‘q.
MAKSAM-CHIRCHIQ – AGMK – 1:9 (1:5). 55 tomoshabin.
Hakamlar: Sanjar Nazarov, Aziz Karimov, Furqat Azizov
Nazoratchi: Faxriddin Murodov
Komissar: Jamshid Imamov
Gollar: Javlon Anorov (16) – Artur Yunusov (2, 8), Sunnatulla Jo‘rayev (5), Abdulla Solixov (8, 31), Po‘lat Olimov (20), Muzaffar Ahadjonov (25), Avazbek Abduvaliyev (28, 40)
Ogohlantirish: Javlon Anorov (28) – yo‘q.
