Ispaniyaning «Real» klubi yarimhimoyachisi Marko Asensioda «qirollik klubi»da qolish uchun yaxshi imkoniyat bor, deb xabar beradi AS.
Manbaga ko‘ra, o‘tgan yozda to‘rtta yirik klub ispaniyalikni sotib olishga uringan, biroq «qaymoqranglilar» bosh murabbiyi Karlo Anchelotti Asensioni jamoada saqlab qolgan.
Qayd etilishicha, Marko hozirda «Real Madrid»da o‘ng qanot hujum chizig‘ida muhim futbolchi hisoblanadi.
Xabar qilinishicha, uning shartnomasi 2023 yilning yoziga qadar mo‘ljallangan, biroq klub uni uzaytirish borasida ishlar olib bormoqda.
Ispaniyalik futbolchi joriy mavsumda barcha turnirlarda 25 ta o‘yinda maydonga tushib, 8 ta gol urdi va 1 ta golli uzatmani amalga oshirdi.
