Испаниянинг «Реал» клуби яримҳимоячиси Марко Асенсиода «қироллик клуби»да қолиш учун яхши имконият бор, деб хабар беради АS.
Манбага кўра, ўтган ёзда тўртта йирик клуб испанияликни сотиб олишга уринган, бироқ «қаймоқранглилар» бош мураббийи Карло Анчелотти Асенсиони жамоада сақлаб қолган.
Қайд этилишича, Марко ҳозирда «Реал Мадрид»да ўнг қанот ҳужум чизиғида муҳим футболчи ҳисобланади.
Хабар қилинишича, унинг шартномаси 2023 йилнинг ёзига қадар мўлжалланган, бироқ клуб уни узайтириш борасида ишлар олиб бормоқда.
Испаниялик футболчи жорий мавсумда барча турнирларда 25 та ўйинда майдонга тушиб, 8 та гол урди ва 1 та голли узатмани амалга оширди.
