"Liverpul" hujumchisi Muhammad Saloh tez orada klub mashg‘ulotlariga qo‘shiladi. Bu haqda klubga yaqin bo‘lgan jurnalist Pol Joys ma’lum qildi.
Unga ko‘ra, misrlik yulduz ertadan boshlab jamoaning umumiy guruh mashg‘ulotlarida ishtirok etmoqchi. U allaqachon Afrika Millatlar kubogidagi ishtirokidan so‘ng mersisaydliklar safiga kelib qo‘shilgan.
Saloh Klopp bilan uchrashuvda o‘zini "Lester"ga qarshi o‘yinda maydonga tushurishini so‘ragan.
Eslatib o‘tamiz, APL doirasidan o‘rin olgan "Liverpul" – "Lester" uchrashuvi 11 fevral kuni soat 00:45 da start oladi.