"Ливерпуль" ҳужумчиси Муҳаммад Салоҳ тез орада клуб машғулотларига қўшилади. Бу ҳақда клубга яқин бўлган журналист Поль Жойс маълум қилди.
Унга кўра, мисрлик юлдуз эртадан бошлаб жамоанинг умумий гуруҳ машғулотларида иштирок этмоқчи. У аллақачон Африка Миллатлар кубогидаги иштирокидан сўнг мерсисайдликлар сафига келиб қўшилган.
Салоҳ Клопп билан учрашувда ўзини "Лестер"га қарши ўйинда майдонга тушуришини сўраган.
Эслатиб ўтамиз, АПЛ доирасидан ўрин олган "Ливерпуль" – "Лестер" учрашуви 11 февраль куни соат 00:45 да старт олади.