Shvesiyalik hujumchi Aleksandr Isak yozda «Real Sosyedad»dan ketishi mumkin. Yevropaning yetakchi klublari futbolchini o‘z safiga qo‘shib olish uchun harakatni boshlashgan.
Oldinroq Britaniya matbuoti Isakga APL vakillari, ya’ni «Arsenal», «Chelsi» va «Manchester Yunayted» klublari qiziqish bildirayotgani haqida yozgan edi. Ammo, kecha El Nacional nashrida «Barselona» va «Real» ham forvard uchun kurashga qo‘shilgani haqida ma’lumot paydo bo‘ldi.
Qayd etilishicha, kataloniyaliklar bosh murabbiyi Xavi Ernandes Isakning xizmatlariga shaxsan qiziqish bildirmoqda. Potensial kelishuv 40 million yevroga baholanmoqda.
