Швециялик ҳужумчи Александр Исак ёзда «Реал Сосьедад»дан кетиши мумкин. Европанинг етакчи клублари футболчини ўз сафига қўшиб олиш учун ҳаракатни бошлашган.
Олдинроқ Британия матбуоти Исакга АПЛ вакиллари, яъни «Арсенал», «Челси» ва «Манчестер Юнайтед» клублари қизиқиш билдираётгани ҳақида ёзган эди. Аммо, кеча El Nacional нашрида «Барселона» ва «Реал» ҳам форвард учун курашга қўшилгани ҳақида маълумот пайдо бўлди.
Қайд этилишича, каталонияликлар бош мураббийи Хави Эрнандес Исакнинг хизматларига шахсан қизиқиш билдирмоқда. Потенциал келишув 40 миллион еврога баҳоланмоқда.
