"Paxtakor" Turkiyadagi yig‘inda birinchi nazorat bellashuvida Ukrainaning "Minay" klubi ustidan 1:0 hisobida g‘alaba qozondi.
O‘yin davomida to‘pni nazorat qilish borasida yaqqol ustunlik jamoamiz tarafida bo‘ldi. Birinchi bo‘limda Temirov, Cheran va Rashidovning darvozaga aniq yo‘llagan zarbalaridan keyin raqib posboni jamoasini gollardan qutqarib qoldi. "Minay"dan esa Gosinning boshi bilan yo‘llagan zarbasi xavfli va noaniq chiqdi.
Ikkinchi bo‘lim mobaynida tarkib deyarli almashtirildi. Sherzod A’zamov o‘yinni to‘liq o‘tkazgan yagona futbolchi bo‘ldi. 75-daqiqada bellashuvdagi yagona gol urildi. Sharkichning zarbasidan so‘ng himoyachining qo‘liga to‘p tekkani uchun belgilangan penaltidan Oliverning o‘zi unumli foydalandi. Ushbu gol bahsda yagona holda saqlanib qoldi.
Navbatdagi nazorat o‘yinida "Paxtakor" 10 fevral kuni Rossiyaning "Ufa" klubiga qarshi maydonga tushadi.
"Paxtakor" - "Minay" - 1:0 (0:0)
"Paxtakor": Suyunov (Quvvatov, 46), Sayfiyev (Ergashboyev, 86), Yoqubov (Azmiddinov, 72), A’zamov, Roziyev (Alijonov, 46), Hamrobekov (Xolmatov, 68), Sobirxo‘jayev (Aliboyev, 46), Rashidov (Fayzullayev, 72), Erkinov (Turg‘unboyev, 46), Cheran (Mirahmadov, 72), Temirov (Sharkich, 46).
Gol: Sharkich, 75-pen - 1:0.
