“Yuventus” himoyachisi Jorjio Kyellini jarohati sabab bir necha hafta maydonga tusha olmaydi.

Tibbiy ko‘rikda 37 yoshli futbolchining chap boldir qismidan jarohat olgani aniqlangan.

Klub futbolchining tiklanish vaqtini aniq aytmagan, ammo Sport Mediaset italiyalik futbolchi 3-4 haftaga safdan chiqqanini ta’kidlamoqda.

Demak, u Italiya chempionatida “Atalanta” va “Torino” bilan o‘yinlarni, shuningdek, Chempionlar ligasi 1/8 finalida “Vilyarreal”ga qarshi birinchi o‘yinni albatta o‘tkazib yuboradi.