Turkiyaning Antalya shahridagi o‘quv-mashg‘ulot yig‘inini davom ettirayotgan “Navbahor” jamoasi bugun Qozog‘istonning Uralsk shahri sharafini himoya qiluvchi “Akjayik” klubiga qarshi nazorat-sinov o‘yinida maydonga tushib, 1:0 hisobida g‘alaba qozondi. Uchrashuv taqdirini hal qilgan yagona gol 47-daqiqada urildi. “Akjayik” himoyachilaridan biri o‘z jarima maydonchasi ichida qo‘l bilan o‘ynaganligi sababli, penalti belgilandi va uni yarim himoyachimiz Azimjon Ahmedov aniq amalga oshirdi.
“NAVBAHOR” – “AKJAYIK” - 1:0 (0:0)
Belek (Antalya, Turkiya).
Gol: Azimjon Ahmedov (47-penalti).
“Navbahor”: O‘tkir Yusupov, Davronbek Hoshimov, Igor Golban, Boyan Siger, Stanislav Andreev, Yovan Jokich, Azimjon Ahmedov, Nurillo To‘xtasinov, Jamshid Iskanderov, Elguja Grigalashvili, Zoran Marushich.
Zaxiradan maydonga tushganlar: Sardor Telyakov, Xurshidbek Muxtorov, Ehsoni Panshanbe, Asad Sobirjonov, Islom Kenjaboyev, Ibrohim G‘anixonov, Javohir Husanov, Andrey Sidorov.
Eslatib o‘tamiz, rejaga ko‘ra, “Navbahor” navbatdagi nazorat o‘yinini 12 fevral kuni Qozog‘iston Premyer-ligasi vakillaridan yana biri – Almatining “Qayrat” jamoasiga qarshi o‘tkazadi.
