“Chelsi” xo‘jayini Roman Abramovich belgiyalik hujumchi Romelu Lukakuning klublar o‘rtasidagi jahon chempionatidagi o‘yinini kuzatib boradi, deb xabar beradi The Telegraph.
Manbaga ko‘ra, rossiyalik oligarx “Chelsi”ning turnirda g‘alaba qozonishiga umid qilmoqda va Lukaku ham jamoa muvaffaqiyatiga hissa qo‘shishini kutmoqda.
28 yoshli Lukaku “Chelsi”ga 2021 yilning yozida “Inter”dan kelib qo‘shilgan edi. Romeluning transfer summasi 113 million yevroni tashkil qildi. Belgiyalik futbolchi joriy mavsumda barcha turnirlarda 25 ta o‘yinda maydonga tushib, 8 ta gol urdi va 2 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.
Klublar o‘rtasidagi jahon chempionati 1/2 finalida “Chelsi” Saudiya Arabistonining “Al-Hilol” jamoasiga qarshi bahs olib boradi. Uchrashuv 9 fevral kuni bo‘lib o‘tadi.
