“Челси” хўжайини Роман Абрамович бельгиялик ҳужумчи Ромелу Лукакунинг клублар ўртасидаги жаҳон чемпионатидаги ўйинини кузатиб боради, деб хабар беради The Telegraph.

Манбага кўра, россиялик олигарх “Челси”нинг турнирда ғалаба қозонишига умид қилмоқда ва Лукаку ҳам жамоа муваффақиятига ҳисса қўшишини кутмоқда.

28 ёшли Лукаку “Челси”га 2021 йилнинг ёзида “Интер”дан келиб қўшилган эди. Ромелунинг трансфер суммаси 113 миллион еврони ташкил қилди. Бельгиялик футболчи жорий мавсумда барча турнирларда 25 та ўйинда майдонга тушиб, 8 та гол урди ва 2 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.

Клублар ўртасидаги жаҳон чемпионати 1/2 финалида “Челси” Саудия Арабистонининг “Ал-Ҳилол” жамоасига қарши баҳс олиб боради. Учрашув 9 феврал куни бўлиб ўтади.