Germaniya terma jamoasi bosh murabbiyi Xans-Diter Flik “Bavariya” himoyachisi Niklas Zyulening Dortmundning “Borussiya” jamoasiga o‘tishi haqidagi fikrlari bilan o‘rtoqlashdi.
“Men Zyule va Bundesliga uchun juda xursandman. U sifatli futbolchi. U Germaniya uchun jahon chempionati oldidan yaxshi qaror qabul qildi, chunki u o‘z vatanida qolib, shu yerda o‘ynaydi. “Borussiya” u uchun juda ko‘p kuch sarfladi. O‘ylaymanki, uning transferi chempionatdagi raqobatni kuchaytiradi”, - deydi Flik.
Eslatib o‘tamiz, 26 yoshli Zyule “Bavariya” bilan kelasi yozda tugaydigan shartnomasini uzaytirishdan bosh tortgan edi. Shu tariqa mavsum so‘nggida futbolchi “Borussiya”ga tekinga o‘tadi.
