Германия терма жамоаси бош мураббийи Ханс-Дитер Флик “Бавария” ҳимоячиси Никлас Зюленинг Дортмунднинг “Боруссия” жамоасига ўтиши ҳақидаги фикрлари билан ўртоқлашди.
“Мен Зюле ва Бундеслига учун жуда хурсандман. У сифатли футболчи. У Германия учун жаҳон чемпионати олдидан яхши қарор қабул қилди, чунки у ўз ватанида қолиб, шу ерда ўйнайди. “Боруссия” у учун жуда кўп куч сарфлади. Ўйлайманки, унинг трансфери чемпионатдаги рақобатни кучайтиради”, - дейди Флик.
Эслатиб ўтамиз, 26 ёшли Зюле “Бавария” билан келаси ёзда тугайдиган шартномасини узайтиришдан бош тортган эди. Шу тариқа мавсум сўнггида футболчи “Боруссия”га текинга ўтади.
