Bugun "Bunyodkor" Antaliyadagi ilk nazorat o‘yinini Armanistonning “Alashkert” klubiga qarshi o‘tkazib, 1:1 hisobidagi durangga imzo chekdi.

Uchrashuv “qaldirg‘ochlar” istiqomat qilayotgan shaharchadagi “Arkadia” sport majmuasida o‘tkazildi. 20 yildan buyon mahalliy va xorijdan kelgan jamoalarga xizmat qilib kelayotgan ushbu majmuaning ajoyib an’anasi bor ekan. Majmuaga tashrif buyurgan mehmon jamoaning ramzi tushirilgan “vimpel” yoki libosi esdalik uchun olinib, maxsus joyga ilib qo‘yilarkan. Majmuaning ichki devorlarida juda ko‘p jamoaning futbolchilarini imzosi tushirilgan libosi va “vimpellari”ga ko‘zimiz tushdi.

“Bunyodkor” ham bu an’anadan chetlab o‘tmadi va “Arkadia”da o‘z nomini qoldirdi!