Бугун "Бунёдкор" Анталиядаги илк назорат ўйинини Арманистоннинг “Алашкерт” клубига қарши ўтказиб, 1:1 ҳисобидаги дурангга имзо чекди.
Учрашув “қалдирғочлар” истиқомат қилаётган шаҳарчадаги “Аркадиа” спорт мажмуасида ўтказилди. 20 йилдан буён маҳаллий ва хориждан келган жамоаларга хизмат қилиб келаётган ушбу мажмуанинг ажойиб анъанаси бор экан. Мажмуага ташриф буюрган меҳмон жамоанинг рамзи туширилган “вимпел” ёки либоси эсдалик учун олиниб, махсус жойга илиб қўйиларкан. Мажмуанинг ички деворларида жуда кўп жамоанинг футболчиларини имзоси туширилган либоси ва “вимпеллари”га кўзимиз тушди.
“Бунёдкор” ҳам бу анъанадан четлаб ўтмади ва “Аркадиа”да ўз номини қолдирди!
