"Everton" bosh murabbiyi Frenk Lempard jamoa futbolchilari Mina hamda Grey jarohati yuzasidan ma’lumot berdi. U shunday deydi:
"Jarohatlar juda ham alamli bo‘ladi. Biz yaqin kunlar ichida futbolchilar ahvolini aniqlashtirib olamiz. Ravshanki, Ben (Godfri)ni yo‘qotish o‘yinimizga ta’sir o‘tkazmasdan qolmadi. Yeri Mina esa himoyada muvozanatni ta’minlar edi. Ularning har ikkisi, shuningdek, Grey ham biz uchun muhim o‘yinchilar edi. Shunga qaramay, keyingi o‘yinlarda ularsiz ham harakatlanish imkonini topishga urinib ko‘ramiz".
Kecha "Everton"ning ikki mudofaa vakili birinchi bo‘limning o‘zidayoq maydonni tark etgan edi.
