"Santos" prezidenti Andres Ruedaning aytishicha, "Barselona" Braziliya klubidan ikki futbolchini sotib olish bo‘yicha ishlar olib bormoqda. Kataloniyaliklar nishoniga yosh futbolchilar - hujumchi Angelo va himoyachi Kayki tushgan.

Ikkala o‘yinchining ham shartnomasida ma’lum miqdordagi tovon puli belgilangan. Agar, ispan klubi shartnomadagi pulni to‘lasa, braziliyaliklar rahbariyati futbolchilarni sotishga qarshi emas.

“Barselona” joriy mavsumda 22 o‘yinda 38 ochko to‘pladi va La Liga turnir jadvalida 4-o‘rinda bormoqda. Kelasi haftada kataloniyaliklar Yevropa ligasi pley-off bosqichini "Napoli"ga qarshi o‘yin o‘tkazadi.