"Сантос" президенти Андрес Руэданинг айтишича, "Барселона" Бразилия клубидан икки футболчини сотиб олиш бўйича ишлар олиб бормоқда. Каталонияликлар нишонига ёш футболчилар - ҳужумчи Ангело ва ҳимоячи Кайки тушган.
Иккала ўйинчининг ҳам шартномасида маълум миқдордаги товон пули белгиланган. Агар, испан клуби шартномадаги пулни тўласа, бразилияликлар раҳбарияти футболчиларни сотишга қарши эмас.
“Барселона” жорий мавсумда 22 ўйинда 38 очко тўплади ва Ла Лига турнир жадвалида 4-ўринда бормоқда. Келаси ҳафтада каталонияликлар Европа лигаси плей-офф босқичини "Наполи"га қарши ўйин ўтказади.
