Xabaringiz bor, joriy yilning iyun oyida mamlakatimizda 23 yoshgacha bo‘lgan futbolchilar o‘rtasidagi Osiyo kubogi o‘yinlari bo‘lib o‘tadi. Qit’amizning nufuzli musobaqasini yuqori saviyada o‘tkazish maqsadida O‘FA tomonidan o‘yinlar bo‘lib o‘tadigan hududlar va u yerdagi mavjud sharoitlar o‘rganilib, ularni OFK standartiga moslashtirish bo‘yicha ishlar davom etmoqda.
Xususan, kecha O‘FA ishchi guruh Qashqadaryo viloyatiga tashrif buyurdi. Tashrif davomida musobaqada ishtirok etuvchi jamoalar uchun viloyatdagi mavjud sharoitlar va mehmonxonalar ko‘zdan kechirildi.
Shuningdek, mashg‘ulot maydonlari — “Geolog”, “Sputnik”, va “Nasaf” akademiyasining stadioni hamda rasmiy uchrashuvlar o‘tkaziladigan Qarshi shahridagi ”Markaziy” stadioni va zaxira maydonlar o‘rganilib, mavjud kamchiliklarni bartaraf etish bo‘yicha mas’ullarga kerakli topshiriqlar berildi.
