Хабарингиз бор, жорий йилнинг июн ойида мамлакатимизда 23 ёшгача бўлган футболчилар ўртасидаги Осиё кубоги ўйинлари бўлиб ўтади. Қитъамизнинг нуфузли мусобақасини юқори савияда ўтказиш мақсадида ЎФА томонидан ўйинлар бўлиб ўтадиган ҳудудлар ва у ердаги мавжуд шароитлар ўрганилиб, уларни ОФК стандартига мослаштириш бўйича ишлар давом этмоқда.
Хусусан, кеча ЎФА ишчи гуруҳ Қашқадарё вилоятига ташриф буюрди. Ташриф давомида мусобақада иштирок этувчи жамоалар учун вилоятдаги мавжуд шароитлар ва меҳмонхоналар кўздан кечирилди.
Шунингдек, машғулот майдонлари — “Геолог”, “Спутник”, ва “Насаф” академиясининг стадиони ҳамда расмий учрашувлар ўтказиладиган Қарши шаҳридаги ”Марказий” стадиони ва захира майдонлар ўрганилиб, мавжуд камчиликларни бартараф этиш бўйича масъулларга керакли топшириқлар берилди.