Ilgari xabar berganimizdek, Rauf Inileev yetakchiligidagi O‘zbekiston U-18 Belarus mamlakatida o‘tkazilayotgan «Rivojlanish kubogi» deb nomlangan xalqaro turnirda ishtirok etmoqda. Vakillarimiz 2-turda "Minsk" klubi o‘smirlar jamoasiga qarshi maydonga chiqib, yirik hisobda g‘alaba qozondi.

80 daqiqadan o‘tkazilayotgan bahsda terma jamoamiz birinchi bo‘limnin o‘zidayoq raqib darvozasini 4 marta ishg‘ol qildi. 34-daqiqada esa Sarvarbek Adhamov maydondan chetlatildi.

Shunga qaramay, o‘zbekistonliklar ikkinchi bo‘lim boshida beshinchi golni urishgan bo‘lsa, qolgan daqiqalarda belaruslar bitta javob qaytarishdi. Yakuniy hisob — 5:1.

Eslatib o‘tamiz, Inileev shogirdlari birinchi turda Belarus U17 jamoasiga qarshi o‘yinda ishtirok etib, 2:4 hisobida mag‘lubiyatga uchrashgandi.

Rivojlanish kubogi
O‘zbekiston (o‘smirlar) - «Minsk» (o‘smirlar) - 5:1
Gollar: Nurlan Ibraimov (1ʼ, 22ʼ), Murodjon Komilov (14ʼ), Ulug‘bek Kenjayev (24ʼ), Zayniddin Hamraboyev (46ʼ) — Vladislav Xrekovich (72ʼ-penalti).
Chetlatish: Sarvarbek Adhamov (34ʼ)