“Milan”ning yetakchi yarim himoyachilaridan biri Frank Kessye joriy mavsum yakunida klubini o‘zgartirishga hozirlik ko‘rmoqda. Kot-d'Ivuarlik futbolchida faoliyatini A seriyada davom ettirish imkoniyati bor.

Insayder Nikolo Shkiraning so‘zlariga ko‘ra, Turinning “Yuventus” klubi futbolchini sotib olishga tayyor. "Keksa sinyora" Kessyening jamoaga erkin agent sifatida kelishiga qarshi emas, chunki u kelasi yozda erkin agentga aylanadi. Shu bilan birga, “byankoneri”lardan yarim himoyachiga hech qanday taklif tushmagan.