«Yuventus» hujumchisi Dushan Vlaxovich kecha bo‘lib o‘tgan Italiya kubogining chorak final bosqichida bo‘lib o‘tgan "Sassuolo"ga qarshi o‘yinda jamoasining yarim finalga chiqishida yordam berdi. O‘yindan so‘ng serbiyalik futbolchi o‘z fikrlari bilan o‘rtoqlashdi.

«Biz yo‘lning boshidamiz va bizga vaqt kerak. Man ko‘p jihatdan jamoadoshlarim, murabbiylar va klubdan qarzdorman. Ular meni qo‘llab-quvvatlashmoqda. Ularsiz hech narsani uddalay olmagan bo‘lardim. Bu jamoa safida o‘ynash men uchun sharafli. Biz maydonda ham, uning tashqarisida ham yaxshi til topishyapmiz. Paulo [Dibala] va Alvaro [Morata] esa ajoyib yigitlar. Ular juda ko‘p sovrinlarni qo‘lga kiritishgan. Men esa hali ko‘p o‘rganib, ularning darajasiga yetish uchun harakat qilishim kerak», - dedi Vlaxovich.