Fransiyaning "PSJ" klubi bosh murabbiyi Maurisio Pochettino hujumchilar — Lionel Messi, Neymar hamda Kilian Mbappe bilan ishlash qanchalik qiyin ekanligi haqida fikr bildirdi.

"Ha, bu haqiqat. Bu menimcha, hech qaysi murabbiy uchun oson ish bo‘lmasa kerak. Bu qiyinchilikni yengish uchun men tez-tez ularga tabassum qilib turaman. Ularning jahli juda tez chiqadi, zaxiraga olinishlarini yoqtirishmaydi, lekin bu futbolning bir qismi.

Ular bilan birga ishlash qiyin. Bu odamlar tasavvur qilganidek oson emas, to‘g‘ri tushuninglar. Chunki, bu uch futbolchi bilan birga ishlagan murabbiy dunyoda yo‘q. Ular bilan qanday ishlash kerakligini aytadigan odam ham, shu narsa yozilgan kitob ham, qo‘llanma ham yo‘q. Bu "PSJ" tomonidan yaratilgan futboldagi yangi narsa. Shunday ekan, biz ular bilan yaxshi tarzda ishlashga harakat qilaveramiz, shundagina natijaga erishishimiz mumkin", – deydi Pochettino.

Eslatib o‘tamiz, Messi Liga-1 bahslaridan birida Pochettino uni zaxiraga olgani uchun unga jahl qilib, tortishib ketgani tasvirga olingan video ko‘plab muhokamalarga sabab bo‘lgan edi.