Rimning «Roma» klubi bosh murabbiyi Joze Mourinyo A Seriyaning 25-tur doirasida«Sassuolo» jamoasiga qarshi bo‘lib o‘tadigan uchrashuvdan oldin o‘z futbolchilari bilan munosabatlari haqida fikr bildirdi.

«Inter»ga mag‘lub bo‘lganidan keyin Mourinyo futbolchilarni kurakda turmaydigan so‘zlar bilan "siylagandi".

«Futbolchilar mening uslubimdan mamnun ekanliklarini aytishdi. O‘rtamizda hech qanday sir yo‘q, men ularning yuziga gapiraman va futbolchilardan ham shunday bo‘lishlarini talab qilaman. Barchasi meni o‘zgarishimni xohlamasliklarini aytishdi, shuning uchun men ularga o‘zgarmayman dedim.

Siz bo‘lsa mening hafsalam pir bo‘lganini gapirasiz, lekin, nahotki Ibanes, Karsdorp, Manchini yoki Smollinglarni qoralamasligim kerak deb o‘ylaysiz? Biz futbolchilar bilan o‘yindan keyin gaplashib oldik, xatolarni tahlil qildik va ularni ustida ishladik. Men mana shunday ishlayman.

Endi «Sassuolo» haqida savol bering, bo‘lmasa men matbuot anjumanidan chiqib ketaman», – dedi Mourinyo.