Римнинг «Рома» клуби бош мураббийи Жозе Моуриньо А Сериянинг 25-тур доирасида«Сассуоло» жамоасига қарши бўлиб ўтадиган учрашувдан олдин ўз футболчилари билан муносабатлари ҳақида фикр билдирди.
«Интер»га мағлуб бўлганидан кейин Моуриньо футболчиларни куракда турмайдиган сўзлар билан "сийлаганди".
«Футболчилар менинг услубимдан мамнун эканликларини айтишди. Ўртамизда ҳеч қандай сир йўқ, мен уларнинг юзига гапираман ва футболчилардан ҳам шундай бўлишларини талаб қиламан. Барчаси мени ўзгаришимни хоҳламасликларини айтишди, шунинг учун мен уларга ўзгармайман дедим.
Сиз бўлса менинг ҳафсалам пир бўлганини гапирасиз, лекин, наҳотки Ибанес, Карсдорп, Манчини ёки Смоллингларни қораламаслигим керак деб ўйлайсиз? Биз футболчилар билан ўйиндан кейин гаплашиб олдик, хатоларни таҳлил қилдик ва уларни устида ишладик. Мен мана шундай ишлайман.
Энди «Сассуоло» ҳақида савол беринг, бўлмаса мен матбуот анжуманидан чиқиб кетаман», – деди Моуриньо.